Siyasi nüfuzlu şəxs

Siyasi nüfuzlu şəxs — qanunvericilikdə tərifi

siyasi nüfuzlu şəxslər – hər hansı dövlətdə (ərazidə) və ya beynəlxalq təşkilatda mühüm dövlət və ya ictimai vəzifə tutan və ya əvvəllər belə vəzifəni tutmuş şəxslər …

Siyasi nüfuzlu şəxs nə deməkdir?

Qanun belə şəxsləri sadalayır: dövlət və hökumət başçıları, dövlət orqanlarının rəhbərləri və onların müavinləri, qanunverici orqanın üzvləri, siyasi partiyaların idarəetmə orqanlarının üzvləri, ali və konstitusiya məhkəmələrinin hakimləri, ali auditi həyata keçirən nəzarət orqanlarının və mərkəzi bankların idarəetmə orqanlarının üzvləri, fövqəladə və səlahiyyətli səfirlər, müvəqqəti işlər vəkilləri, ali hərbi və ali xüsusi rütbəli şəxslər, dövlət müəssisələrinin idarəetmə orqanlarının üzvləri, beynəlxalq təşkilatların rəhbərləri, onların müavinləri və idarəetmə orqanlarının üzvləri (Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında Qanun, maddə 1.1.24).

Öhdəlik daşıyan şəxslər belə şəxslərlə, onların yaxın qohumları və yaxın münasibətdə olduğu şəxslərlə işgüzar münasibətləri yalnız rəhbərliyin razılığı ilə yaratmalı, əmlakın və sərvətin mənbəyini müəyyən etməli və gücləndirilmiş müştəri uyğunluğu tədbirləri tətbiq etməlidirlər (Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında Qanun, maddə 7.1). Xarici dövlətlərin siyasi nüfuzlu şəxslərinin istənilən əməliyyatları barədə məlumat məbləğindən asılı olmayaraq maliyyə monitorinqi orqanına təqdim olunur (Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında Qanun, maddə 11.3.1).

Nümunə

Bank xarici dövlətin keçmiş nazirinə hesab açarkən rəhbərliyin razılığını almalı və hesaba daxil olacaq vəsaitin mənbəyini araşdırmalıdır.