Siyasi partiyalar bloku

Siyasi partiyalar bloku — qanunvericilikdə tərifi

1.1.22. siyasi partiyalar bloku — seçkilərdə birgə iştirak etmək üçün iki və ya daha çox siyasi partiyanın yaratdığı və seçkilər zamanı siyasi partiyalarla eyni hüquqa malik olan blok; …

Siyasi partiyalar bloku nə deməkdir?

Siyasi partiyaların blokunu azı iki siyasi partiya yarada bilər. Bloka daxil olmaq barədə qərar hər bir partiyanın nizamnaməsinə uyğun qəbul edilir, sonra partiyaların səlahiyyətli nümayəndələri blokun yaradılması barədə birgə qərar imzalayır (Seçki Məcəlləsi, maddə 50.1). Blok Mərkəzi Seçki Komissiyasına sənədləri təqdim etdiyi gündən ən geci 5 gün müddətində qeydə alınmalıdır (Seçki Məcəlləsi, maddə 50.3).

Bloka daxil olan partiya seçkilər dövründə müstəqil partiya kimi çıxış edə və ya başqa bloka daxil ola bilməz (Seçki Məcəlləsi, maddə 50.1). Blok qeydə alındıqdan sonra onun tərkibinə yeni partiya daxil edilə bilməz (Seçki Məcəlləsi, maddə 50.5). Blokun irəli sürdüyü namizəd bloka daxil olan hər bir partiya tərəfindən təsdiq edilir (Seçki Məcəlləsi, maddə 54.2).