Müdafiə tərəfi

Müdafiə tərəfi — qanunvericilikdə tərifi

müdafiə tərəfi — birlikdə götürülmüş şübhəli və ya təqsirləndirilən şəxs, onun müdafiəçisi, barəsində cinayət-hüquqi tədbirlərin tətbiq edilməsi üzrə icraat aparılan hüquqi şəxsin nümayəndəsi, onun müdafiəçisi və mülki cavabdehdir; …

Müdafiə tərəfi nə deməkdir?

Müdafiə tərəfi cinayət prosesinin ittiham tərəfinə qarşı duran ikinci tərəfidir. Müdafiəçi qismində yalnız Azərbaycan Respublikasında vəkillik fəaliyyətini həyata keçirmək hüququna malik olan vəkil iştirak edə bilər; müdafiəçi şübhəli və ya təqsirləndirilən şəxsin şəxsiyyəti və onun iştirakı ilə baxılan işin xarakteri ilə eyniləşdirilə bilməz (Cinayət-Prosessual Məcəllə, maddə 92.1).

Müdafiə tərəfi ittihamı təkzib edir, məsuliyyətdən azad etməyə və ya onu yüngülləşdirən hallara diqqəti cəlb edir, əməlin hüquqi tövsifinə və məhkəmənin yekun qərarına dair təkliflərini verir (Cinayət-Prosessual Məcəllə, maddə 32.2.4). Təqsirləndirilən şəxs sərbəst olaraq təqsirli olduğunu inkar edə və ya özünü təqsirli bilə bilər (Cinayət-Prosessual Məcəllə, maddə 32.2.9). Məhkəməyədək icraatda bəraətverici əsaslar olmadan cinayət təqibinə xitam verilməsi üçün təqsirləndirilən (şübhəli) şəxsin razılığı tələb olunur (Cinayət-Prosessual Məcəllə, maddə 41.2).