Səhmdar cəmiyyəti

Səhmdar cəmiyyəti — qanunvericilikdə tərifi

98.1. Nizamnamə kapitalı müəyyən sayda səhmlərə bölünmüş cəmiyyət səhmdar cəmiyyəti sayılır.

98.2. Səhmlər buraxmağa yalnız səhmdar cəmiyyətlərinin hüququ vardır.

Səhmdar cəmiyyəti nə deməkdir?

Səhmdar cəmiyyətində iştirak payı səhmlə ifadə olunur. Səhmdarlar cəmiyyətin öhdəlikləri üçün cavabdeh deyil və cəmiyyətin fəaliyyəti ilə bağlı zərər üçün yalnız onlara mənsub səhmlərin dəyəri həddində risk daşıyırlar (Mülki Məcəllə, maddə 98.4). Cəmiyyəti bir fiziki və ya hüquqi şəxs də yarada bilər, lakin onun yeganə iştirakçısı bir şəxsdən ibarət digər təsərrüfat cəmiyyəti ola bilməz (Mülki Məcəllə, maddə 98.5).

Səhmdar cəmiyyəti açıq və ya qapalı olur və firma adında «açıq səhmdar cəmiyyəti» və ya «qapalı səhmdar cəmiyyəti» sözləri göstərilməlidir (Mülki Məcəllə, maddə 98.6). Səhmdarların ümumi yığıncağının qərarı ilə cəmiyyət səhmlərin nominal dəyərini artırmaq və ya əlavə səhmlər buraxmaq yolu ilə nizamnamə kapitalını artıra bilər (Mülki Məcəllə, maddə 104.1).