Təhqiqatçı

Təhqiqatçı — qanunvericilikdə tərifi

təhqiqatçı — öz səlahiyyətləri daxilində bu Məcəllədə nəzərdə tutulmuş hallarda və qaydada cinayət təqibi üzrə təhqiqat aparan şəxsdir; …

Təhqiqatçı nə deməkdir?

Təhqiqatçı ittiham tərəfinin iştirakçısıdır. O, cinayət işi başlayır (Cinayət-Prosessual Məcəllə, maddə 86.2.1), şübhəli şəxsi tutur, dindirmə, baxış, axtarış, götürmə, üzləşdirmə, istintaq eksperimenti kimi təxirəsalınmaz istintaq hərəkətlərini aparır (Cinayət-Prosessual Məcəllə, maddə 86.4.2). İbtidai istintaqı məcburi olan işlərdə təhqiqatçı cinayət işi başlandıqdan 10 gündən gec olmayaraq bütün materialları istintaq orqanına göndərməlidir (Cinayət-Prosessual Məcəllə, maddə 86.2.11).

Böyük ictimai təhlükə törətməyən aşkar cinayətlər üzrə təhqiqatçı məhkəməyədək sadələşdirilmiş icraat aparır və materialları məlumat daxil olduğu vaxtdan 30 gündən gec olmayaraq yekun protokolu ilə prokurora göndərir (Cinayət-Prosessual Məcəllə, maddə 86.2.13). Təhqiqatçı öz icraatında olan işlə əlaqədar qeyri-aşkar üsullarla əməliyyat-axtarış tədbirləri keçirə bilməz (Cinayət-Prosessual Məcəllə, maddə 86.5), müstəntiq və ya prokuror işi icraata qəbul etdikdən sonra isə ayrı-ayrı istintaq hərəkətlərini yalnız onların göstərişi ilə aparır (Cinayət-Prosessual Məcəllə, maddə 86.6).