Milli Məclis

Milli Məclis — qanunvericilikdə tərifi

Azərbaycan Respublikasında qanunvericilik hakimiyyətini Azərbaycan Respublikasının Milli Məclisi həyata keçirir.

Milli Məclis nə deməkdir?

Milli Məclis Azərbaycan Respublikasının qanunvericilik orqanı, yəni parlamentidir. O, 125 deputatdan ibarətdir (Konstitusiya, maddə 82). Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər (Konstitusiya, maddə 83). Hər çağırışın səlahiyyət müddəti 5 ildir (Konstitusiya, maddə 84).

Milli Məclis öz səlahiyyətlərinə aid məsələlər üzrə Konstitusiya qanunları, qanunlar və qərarlar qəbul edir (Konstitusiya, maddə 93). O, insan hüquqlarından istifadə, seçkilər, məhkəmə quruluşu, mülkiyyət, vergilər və digər sahələrdə ümumi qaydalar müəyyən edir (Konstitusiya, maddə 94), həmçinin dövlət büdcəsini təsdiq edir, Baş nazirin təyin edilməsinə razılıq verir, referendum təyin edir və amnistiya məsələsini həll edir (Konstitusiya, maddə 95).