İctimai işlər

İctimai işlər — qanunvericilikdə tərifi

İctimai işlər məhkumun əsas işindən və ya təhsilindən asudə vaxtlarında haqqı ödənilmədən cəmiyyətin xeyrinə ictimai faydalı işlər yerinə yetirməsindən ibarətdir.

47.2. İctimai işlər iki yüz qırx saatdan dörd yüz səksən saatadək müddətə müəyyən edilir və gün ərzində dörd saatdan çox ola bilməz.

İctimai işlər nə deməkdir?

İctimai işlər yalnız əsas cəza kimi tətbiq olunur (Cinayət Məcəlləsi, maddə 43.1). Cəza iki yüz qırx saatdan dörd yüz səksən saatadək müddətə müəyyən edilir və gün ərzində dörd saatdan çox ola bilməz. Məhkum ictimai işlərin yerinə yetirildiyi yerlərdə elektron nəzarət vasitəsini gəzdirməyə və onu işlək vəziyyətdə saxlamağa borcludur (Cinayət Məcəlləsi, maddə 47.2-1).

Bu cəza əlilliyi orqanizmin funksiyalarının 61-100 faiz pozulmasına görə müəyyən edilmiş şəxslərə və əlilliyi olan uşaqlara, hamilə qadınlara, üç yaşınadək uşağı olan qadınlara və belə uşağı təkbaşına böyüdən kişilərə, pensiya yaşına çatmış şəxslərə və hərbi qulluqçulara tətbiq edilmir (Cinayət Məcəlləsi, maddə 47.4). Məhkum işləri yerinə yetirməkdən qərəzli boyun qaçırdıqda məhkəmə çəkilməmiş hissəni dörd saata bir gün azadlığın məhdudlaşdırılması və ya səkkiz saata bir gün azadlıqdan məhrum etmə hesabı ilə əvəz edə bilər (Cinayət Məcəlləsi, maddə 47.3).