Əvəzsiz müqavilə

Əvəzsiz müqavilə — qanunvericilikdə tərifi

397.2. Müqaviləyə görə bir tərəf digər tərəfdən haqq və ya digər qarşılıqlı əvəz almadan ona nə isə verməyi öhdəsinə götürürsə, həmin müqavilə əvəzsiz sayılır.

Əvəzsiz müqavilə nə deməkdir?

Əvəzsiz müqavilədə yalnız bir tərəf əmlak və ya başqa nemət verir, digər tərəf isə bunun müqabilində haqq və ya qarşılıqlı əvəz ödəmir. Əvəzsizlik qanundan, müqavilənin məzmunundan və ya mahiyyətindən aydın görünməlidir, çünki başqa hal irəli gəlmirsə, müqavilənin əvəzli olduğu ehtimal edilir (Mülki Məcəllə, maddə 397.3).

Mülki Məcəllədə əvəzsiz müqavilələrə bağışlama müqaviləsi aiddir: hədiyyə verən öz əmlakının bir hissəsini bağışlamaqla hədiyyə alanı zənginləşdirir və bu, heç bir cavab xidməti ilə şərtləndirilmir (Mülki Məcəllə, maddə 666.1). Əvəzsiz istifadə müqaviləsində də əşya istifadəyə verilir və tərəflər öhdəliklərini əvəzsiz icra edirlər (Mülki Məcəllə, maddə 732). Uzufrukt da pulsuz ola bilər (Mülki Məcəllə, maddə 263.2).