Əmrin və ya sərəncamın yerinə yetirilməsi

Qanunvericilikdə tərifi

Müəyyən edilmiş qaydada verilmiş və icrası şəxs üçün məcburi olan əmr və ya sərəncamı yerinə yetirərkən həmin şəxs tərəfindən bu Məcəllə ilə qorunan obyektlərə zərər vurulması cinayət sayılmır. Belə zərərə görə qanunsuz əmr və ya sərəncam vermiş şəxs cinayət məsuliyyəti daşıyır.

Sadə dildə izah

Əmrin və ya sərəncamın yerinə yetirilməsi əməlin cinayət olmasını aradan qaldıran hallardan biridir. Əmr və ya sərəncam müəyyən edilmiş qaydada verilməli və icrası şəxs üçün məcburi olmalıdır. Belə əmrin icrası zamanı vurulan zərərə görə onu yerinə yetirən şəxs deyil, qanunsuz əmr və ya sərəncam vermiş şəxs cinayət məsuliyyəti daşıyır.

Bilə-bilə qanunsuz əmri və ya sərəncamı yerinə yetirərək qəsdən cinayət törədən şəxs ümumi əsaslarla məsuliyyətə cəlb olunur (Cinayət Məcəlləsi, maddə 40.2). Qanunsuz əmr və ya sərəncamın yerinə yetirilməməsi isə cinayət məsuliyyətinə səbəb olmur (Cinayət Məcəlləsi, maddə 40.3). Əmrin və ya sərəncamın icrasının qanunla müəyyən edilmiş şərtlərini pozmaqla cinayət törədilməsi cəzanı yüngülləşdirən hal sayılır (Cinayət Məcəlləsi, maddə 59.1.7).