Dünyəvi dövlət

Dünyəvi dövlət — qanunvericilikdə tərifi

I. Azərbaycan Respublikasında din dövlətdən ayrıdır. Bütün dini etiqadlar qanun qarşısında bərabərdir.

II. İnsan ləyaqətini alçaldan və ya insanpərvərlik prinsiplərinə zidd olan dinlərin (dini cərəyanların) yayılması və təbliği qadağandır.

III. Dövlət təhsil sistemi dünyəvi xarakter daşıyır.

Dünyəvi dövlət nə deməkdir?

Konstitusiya Azərbaycan dövlətini demokratik, hüquqi, dünyəvi, unitar respublika kimi müəyyən edir (Konstitusiya, maddə 7). Dünyəvilik o deməkdir ki, din dövlətdən ayrıdır, bütün dini etiqadlar qanun qarşısında bərabərdir, dövlət təhsil sistemi isə dünyəvi xarakter daşıyır.

Dünyəvi dövlət dini azadlığı inkar etmir: hər kəsin vicdan azadlığı, dinə münasibətini müstəqil müəyyənləşdirmək, hər hansı dinə etiqad etmək və ya heç bir dinə etiqad etməmək hüququ vardır (Konstitusiya, maddə 48). Lakin insan ləyaqətini alçaldan və ya insanpərvərlik prinsiplərinə zidd olan dinlərin (dini cərəyanların) yayılması və təbliği qadağandır. Dinin dövlətdən ayrılığı dövlət orqanlarının formalaşmasında da əks olunur: din xadimləri Milli Məclisə deputat seçilə bilməz (Konstitusiya, maddə 85).