Hüquqi terminGömrük hüququ
Bəyannaməçi
QISACA
Gömrük bəyannaməsini və digər gömrük bəyannamələrini gömrük orqanına təqdim edən və ya adından həmin sənədlər təqdim edilən şəxs.
Bəyannaməçi — qanunvericilikdə tərifi
bəyannaməçi – gömrük bəyannaməsini, müvəqqəti saxlanc və ya qısa idxal (ixrac) bəyannaməsini, sadələşdirilmiş, əlavə, dövri və ya natamam bəyannamələri, yaxud təkrar ixrac bildirişini təqdim edən və ya adından həmin gömrük sənədləri təqdim edilən şəxs; …
Bəyannaməçi nə deməkdir?
Bəyannaməçi malların bəyan edilməsinə görə gömrük orqanı qarşısında cavabdeh olan şəxsdir. Gömrük sərhədindən keçirilən malların və nəqliyyat vasitələrinin sahibi, yaxud onunla bağlanılan müqavilə əsasında dolayı gömrük təmsilçisi bəyannaməçi ola bilər (Gömrük Məcəlləsi, maddə 148.1).
Bəyannaməçi malları bəyan etməyə, gömrük orqanlarının tələbi ilə təqdim etməyə, lazımi sənəd və məlumatları verməyə, gömrük ödənişlərini ödəməyə və gömrük rəsmiləşdirilməsində yardım göstərməyə borcludur (Gömrük Məcəlləsi, maddə 148.3). O, bəyannaməni təqdim etməzdən əvvəl malları gömrük nəzarəti altında müayinə etmək, ölçmək, gömrük orqanlarının icazəsi ilə onlardan prob və nümunələr götürmək hüququna malikdir (Gömrük Məcəlləsi, maddə 148.4).
Mənbə: Azərbaycan Respublikasının Gömrük Məcəlləsi, maddə 1.1.3