Nüfuz alveri

Nüfuz alveri — qanunvericilikdə

Şəxs tərəfindən öz həqiqi və ya güman edilən təsir imkanlarından istifadə edərək vəzifəli şəxsin qərarına qanunsuz təsir etmək məqsədilə özü və yaxud üçüncü şəxslər üçün, birbaşa və ya dolayı yolla, şəxsən və ya vasitəçidən istifadə etməklə maddi və sair nemətin, imtiyazın və ya güzəştin istənilməsi və ya alınması, yaxud bu barədə təklif və ya vədin qəbul edilməsi – altı min manatdan on min manatadək miqdarda cərimə və ya üç ildən yeddi ilədək müddətə azadlıqdan mərhum etmə ilə cəzalandırılır.

Nüfuz alveri nə deməkdir?

Nüfuz alverində neməti alan vəzifəli şəxs deyil, vəzifəli şəxsin qərarına təsir göstərə biləcəyini bildirən istənilən şəxs ola bilər; onun təsir imkanının həqiqi və ya yalnız güman edilən olmasının fərqi yoxdur. Belə şəxsin vəzifəli şəxsin qərarına qanunsuz təsir etmək məqsədilə özü və ya üçüncü şəxslər üçün maddi və sair nemət, imtiyaz və ya güzəşt istəməsi, alması, yaxud təklifi və ya vədi qəbul etməsi altı min manatdan on min manatadək cərimə və ya üç ildən yeddi ilədək azadlıqdan məhrum etmə ilə cəzalandırılır (Cinayət Məcəlləsi, maddə 312-1.1).

Qarşı tərəf də məsuliyyət daşıyır: belə şəxsə həmin məqsədlə nemət, imtiyaz və ya güzəşt təklif edən, vəd edən və ya verən şəxs dörd min manatdan yeddi min manatadək cərimə və ya iki ildən beş ilədək azadlıqdan məhrum etmə ilə cəzalandırılır (Cinayət Məcəlləsi, maddə 312-1.2). Rüşvətxorluqdan fərq ondadır ki, nemət qərar qəbul edən vəzifəli şəxsə deyil, onun qərarına təsir göstərəcəyini vəd edən şəxsə verilir.

Nümunə

Nazirlikdə tanışı olduğunu deyən A işə qəbul məsələsini həll etdirmək vədi ilə namizəddən pul alırsa, belə tanışlıq həqiqətdə olmasa belə, nüfuz alverinə görə məsuliyyət yarana bilər.