Ekstradisiya

Ekstradisiya — qanunvericilikdə

Azərbaycan Respublikasının ərazisində yaşayan, yaxud olan əcnəbi və ya vətəndaşlığı olmayan şəxsin Azərbaycan Respublikasının hüdudlarından kənarda törətdiyi əməllərə görə xarici dövlət tərəfindən cinayət məsuliyyətinə cəlb edilməsi və ya məhkəmə tərəfindən təyin edilmiş cəzanın icrası üçün verilməsi Azərbaycan Respublikası Konstitusiyası, bu Qanun, Azərbaycan Respublikasının cinayət və cinayət-prosessual qanunvericiliyi, Azərbaycan Respublikasının digər qanunvericilik aktları və Azərbaycan Respublikasının tərəfdar çıxdığı beynəlxalq müqavilələri ilə tənzimlənir.

Ekstradisiya nə deməkdir?

Ekstradisiya cinayət məsələləri üzrə dövlətlərarası əməkdaşlıq formasıdır: Azərbaycanda yaşayan və ya olan əcnəbi, yaxud vətəndaşlığı olmayan şəxs xarici dövlətin sorğusu ilə həmin dövlətə verilir. Müvafiq beynəlxalq müqavilə olmadıqda Qanun qarşılıqlı yardım prinsipinə riayət olunmaqla tətbiq edilir (Ekstradisiya haqqında Qanun, maddə 1.2). Səlahiyyətli orqan Baş Prokurorluq və müvafiq icra hakimiyyəti orqanıdır (Ekstradisiya haqqında Qanun, maddə 1.4).

Verilmə məsələsinə şəxsin yerləşdiyi ərazi üzrə ağır cinayətlər məhkəməsi baxır və əsaslandırılmış qərar qəbul edir (Ekstradisiya haqqında Qanun, maddə 8.1). Verilmə məsələsi həll edilərkən Azərbaycan Respublikasının vətəndaşı olan şəxs verilmir (Ekstradisiya haqqında Qanun, maddə 3.1.1). Qanun şəxsin beynəlxalq məhkəmə orqanlarına təslim edilməsinə şamil olunmur (Ekstradisiya haqqında Qanun, maddə 1.3).