Dərs 2 testi: 25 sual

1. «Dövlət qulluqçularının etik davranış qaydaları haqqında» Qanuna əsasən qanunsuz olaraq nemət, imtiyaz və ya güzəşt əldə edilməsi ilə bağlı hansı fikir DÜZGÜNDÜR?

1. Qadağa maddi və qeyri-maddi nemətlər, imtiyazlar və ya güzəştlər əldə etməyə yönəlmiş hərəkətlərə, hərəkətsizliyə və qərarlara şamil edilir
2. Qadağa maddi nemətlərə və güzəştlərə aiddir; qeyri-maddi nemətlər və imtiyazlar isə hədiyyə qaydaları ilə tənzimlənir
3. Qadağa qulluqçunun qəbul etdiyi qərarlara və aktiv hərəkətlərinə aiddir; hərəkətsizlik onun əhatəsinə düşmür
4. Qadağa yalnız qulluqçu neməti faktiki olaraq əldə etdikdə tətbiq olunur; buna yönəlmiş hərəkətlər isə qadağan edilmir

2. «Dövlət qulluqçularının etik davranış qaydaları haqqında» Qanunun maddi və qeyri-maddi nemətlərlə bağlı qaydaları üzrə uyğunluğu müəyyən edin:
1. Qanunvericiliklə müəyyən olunmuş qaydada şəxslərə əvəzsiz xidmət göstərən qulluqçu
2. Qanunvericiliklə müəyyən olunmuş ödəniş müqabilində vətəndaşlara xidmət göstərən qulluqçu
3. Hərəkətlərinin (hərəkətsizliyinin) və ya qərarlarının nemət, imtiyaz və ya güzəşt əldə etməyə gətirib çıxara biləcəyi qulluqçu a. Belə nəticəni istisna edən tədbirlər görməlidir b. Həmin xidmətə görə hər hansı haqq tələb edə bilməz c. Nəzərdə tutulan məbləğdən artıq haqq tələb edə bilməz

1. 1 – c, 2 – b, 3 – a
2. 1 – b, 2 – a, 3 – c
3. 1 – a, 2 – b, 3 – c
4. 1 – b, 2 – c, 3 – a

3. Vətəndaş müraciətinə baxılmasının sürətləndirilməsi müqabilində dövlət qulluqçusuna qiymətli əşya təklif edir. «Dövlət qulluqçularının etik davranış qaydaları haqqında» Qanuna əsasən DÜZGÜN nəticə hansıdır?

1. Qulluqçu əşyanı qəbul edib qulluq keçdiyi dövlət orqanına akt üzrə təhvil verməlidir
2. Qulluqçu əşyanı qəbul edib səlahiyyətli struktur bölməyə (şəxsə) akt üzrə təhvil verməlidir
3. Qulluqçu əşyanın dəyəri qanunvericilikdə nəzərdə tutulmuş məbləğdən aşağı olduqda onu qəbul edə bilər
4. Qulluqçu təklif olunan nemətdən imtina etməlidir