Vəkilliyə qəbulla bağlı sınaq imtahanı

CM m.30.2: Cinayəti başa çatdırmaqdan könüllü olaraq qəti imtina edən şəxs cinayət məsuliyyətinə cəlb olunmur.

Vəkillik haqqında Qanunun 11-ci maddəsinin II hissəsi: Heç kəs iki dəfədən artıq Rəyasət Heyətinin sədri seçilə bilməz.

AİHK m.6.2: Cinayət törətməkdə ittiham olunan hər kəs onun təqsiri qanun əsasında sübut edilənədək təqsirsiz hesab edilir.

Vəkillik haqqında Qanunun 11-ci maddəsinin VII hissəsi: 3 aydan 1 ilədək dayandırılma haqqında qərardan məhkəməyə şikayət vermək olar.

MPM m.162.2: Müvəqqəti təminat tədbirinin ləğv olunması barədə ərizəyə məhkəməyə daxil olduğu vaxtdan 20 gün müddətində baxılır.

İPHM m.25.4: Manatla hesablanan inzibati cərimənin məbləği fiziki şəxsdən alındıqda beş min manatdan artıq ola bilməz.

CM m.83.3.4: Ağır cinayət törətməyə görə məhkum edilmiş şəxslər barəsində cəzanı çəkib qurtardıqları gündən altı il keçdikdə məhkumluq ödənilmiş sayılır.

MM m.68.1: MMC-nin 20%-dən çoxu və ya ASC-nin səsvermə hüququ verən səhmlərinin 20%-dən çoxu digər ortaqlığa mənsub olduqda asılı cəmiyyət yaranır.

CM m.82.3: Ömürlük azadlıqdan məhrum etmə cəzası əfv qaydasında iyirmi beş ildən çox olmayan müddətə azadlıqdan məhrum etmə ilə əvəz edilə bilər.

MPM m.161.3: Müvəqqəti təminat tədbirinin bir növünün digəri ilə əvəz edilməsi məsələsi ərizə məhkəməyə daxil olduğu vaxtdan 10 gün müddətində həll edilir.

CPM m.154.3: Komandanlığın müşahidəsi altına vermə yalnız hərbi qulluqçu və ya hərbi mükəlləfiyyətli şəxs barəsində seçilə bilər.

CPM m.21.3: İttihamı sübuta yetirmək, müdafiə üçün irəli sürülən dəlilləri təkzib etmək vəzifəsi ittiham tərəfinin üzərinə düşür.

İPHM m.21: İnzibati tənbeh xəta törədən şəxsi qanunlara əməl edilməsi ruhunda tərbiyələndirmək və yeni xəta törədilməsinin qarşısını almaq məqsədi daşıyır.

İPHM m.30.1: İnzibati həbs yalnız müstəsna hallarda müvafiq maddələrdə nəzərdə tutulan inzibati xətalara görə hakim tərəfindən tətbiq edilir.

MM m.28.2: Fiziki şəxsin mülki hüquq fəaliyyət qabiliyyəti on səkkiz yaşına çatdıqda tam həcmdə əmələ gəlir.

Vəkillik haqqında Qanunun 11-ci maddəsinin VI hissəsi: İntizam tənbehləri: irad tutma, töhmət, üç aydan bir il müddətinədək vəkillik fəaliyyətinin dayandırılması.

Vəkillik haqqında Qanunun 11-ci maddəsinin IV hissəsi: Üçdə iki hissəsi iştirak etdikdə Rəyasət Heyətinin iclasları səlahiyyətlidir.

AİHK 1 saylı Protokol: Mülkiyyətin müdafiəsi, Təhsil hüququ, Azad seçki hüququ.

AİHK m.6.3: İttiham olunan şəxsin hüquqları: dili anlayışında məlumat, müdafiəni hazırlamaq üçün vaxt, pulsuz müdafiəçi, şahidləri dindirmək, pulsuz tərcüməçi.

AİHK m.7.1: Heç kəs törədildiyi zaman milli və ya beynəlxalq hüquqa görə cinayət sayılmayan hərəkətə görə cinayətkarcasına məsuliyyətə cəlb edilə bilməz.

İPHM m.29.4: Qaçqın statusuna malik olan şəxslərə Azərbaycan Respublikasının hüdudlarından kənara inzibati qaydada çıxarma tətbiq edilmir.

KMM m.40.3.1 və 40.3.4: Milli Məclisin müddətinin uzadılması və Prezidentin müddətinin uzadılması xüsusi konstitusiya icraatına daxildir.

Konstitusiyanın 3-cü maddəsinin III hissəsi: Amnistiya və əfv etmə məsələləri üzrə referendum keçirilə bilməz.

CM m.82.1: Əfvetmə fərdi qaydada müəyyən edilmiş şəxs barəsində Azərbaycan Respublikasının Prezidenti tərəfindən həyata keçirilir.

KMM m.40.3.6: Azərbaycan Respublikası prezidentinin istefa ərizəsinə baxılması xüsusi konstitusiya icraatının növüdür.

MM m.1193: Vəsiyyət edənin uşaqlarının, valideynlərinin və arvadının (ərinin) vəsiyyətnamənin məzmunundan asılı olmayaraq mirasda məcburi payı vardır.

İPM m.2.2.7: İnzibati orqanların qanunsuz qərar və ya hərəkətlərindən dəymiş ziyana görə kompensasiyanın ödənilməsi tələbinə dair iddialara inzibati məhkəmə icraatı qaydasında baxılır.

MM m.75.1: Tam ortaqlığın iştirakçıları ortaqlığın öhdəlikləri üzrə özlərinin əmlakı ilə birgə subsidiar məsuliyyət daşıyırlar.

MM m.1203.2: Məcburi pay almaq hüququndan məhrumetməni miras qoyan hələ öz sağlığında məhkəməyə müraciət etmək yolu ilə həyata keçirə bilər.

CPM m.154.2.8 və 154.3: Yetkinlik yaşına çatmayanı nəzarət altına vermə qətimkan tədbiri yalnız 18 yaşına çatmayan şəxs barəsində seçilə bilər.

Konstitusiyanın 149-cu maddəsinin VII hissəsi: Hüquqi vəziyyəti yaxşılaşdıran, məsuliyyəti aradan qaldıran və ya yüngülləşdirən normativ hüquqi aktların qüvvəsi geriyə şamil edilir.

İPHM m.29.3: Hüdudlardan kənara çıxarılmış əcnəbilərin gəlmək hüququ 1 ildən 5 ilədək məhdudlaşdırılır.

MM m.98.1: Nizamnamə kapitalı müəyyən sayda səhmlərə bölünmüş cəmiyyət səhmdar cəmiyyəti sayılır.

CM m.25.3: Şəxs nəticəni dərk etmiş, görmüş, lakin arzu etməmiş; baş verməsinə şüurlu surətdə yol vermişdirsə, cinayət dolayı qəsdlə törədilmiş sayılır.

Vəkillik haqqında Qanunun 13-cü maddəsinin VIII hissəsi: Şifahi müsahibəni keçə bilməyən şəxs həmin müsahibədən sonra bir il ərzindəki imtahanlarda iştirak edə bilməz.

Konstitusiyanın 130-cu maddəsinin III hissəsi: Prezidentin, Milli Məclisin, Nazirlər Kabinetinin, Ali Məhkəmənin, Prokurorluğun, Naxçıvan MR Ali Məclisinin sorğusu əsasında məsələlər həll edilir.

MM m.28.4: 16 yaşlı şəxs əmək müqaviləsi ilə işləyirsə və ya sahibkarlıq fəaliyyəti ilə məşğuldursa, qəyyumluq orqanının qərarı (valideyn razılığı ilə) və ya məhkəmənin qərarı ilə tam fəaliyyət qabiliyyətli sayıla bilər.

Vəkillik haqqında Qanunun 11-ci maddəsinin II hissəsi: Rəyasət Heyətinin sədri ümumi yığıncaqda beş il müddətinə seçilir.

MM m.32.1: Spirtli içkilərdən sui-istifadə edən şəxsin fəaliyyət qabiliyyəti məhkəmə tərəfindən məhdudlaşdırılır; onun üzərində himayəçilik təyin edilir.

Torpaq Məcəlləsinin 5-ci maddəsi: Azərbaycan Respublikasında torpaq sahəsi üzərində dövlət, bələdiyyə və xüsusi mülkiyyət növləri mövcuddur.

İPHM m.30.1: İnzibati həbs yalnız müstəsna hallarda üç gündən üç ay müddətinədək hakim tərəfindən tətbiq edilir.

Torpaq Məcəlləsinin 92.2-ci maddəsi: Vərəsəsi olmadıqda vərəsəsiz torpaq dövlətə keçir.

İPM m.2.1: Qanunla başqa aidiyyət qaydası müəyyən edilməmişdirsə, inzibati mübahisələrə dair işlər inzibati məhkəmələr və inzibati kollegiyalar tərəfindən həll edilir.

CM m.28.2: Yalnız ağır və xüsusilə ağır cinayətlərin törədilməsinə yönəlmiş hazırlıq cinayət məsuliyyətinə səbəb olur.

CPM m.21.2: Aradan qaldırılması mümkün olmayan şübhələr təqsirləndirilən şəxsin xeyrinə həll edilir.

CPM m.156.2: Girov yalnız müdafiə tərəfinin vəsatəti ilə məhkəmə tərəfindən seçilir.

CM m.81.1: Amnistiya aktı fərdi qaydada müəyyən edilməyən şəxslər barəsində Milli Məclis tərəfindən qəbul edilir.

MM m.1194: Məcburi payı tələb etmək hüququ mirasın açıldığı an əmələ gəlir.

MM m.1202.1: Məcburi paydan imtina digər vərəsələrin payının artmasına səbəb olmur; həmin pay vəsiyyət üzrə vərəsələrə keçir.

İPHM m.25.4: Vəzifəli şəxsdən alınan inzibati cərimənin məbləği on min manatdan artıq ola bilməz.

AİHM qaydaları: Son dövlətdaxili orqanın qəti qərarından sonra 4 aylıq müddətin keçməməsi şərtidir.

AİHK m.6.1: Hər kəs mülki hüquq və vəzifələri müəyyən edilərkən və ya cinayət ittihamı irəli sürülərkən ağlabatan müddətdə işinin ədalətli və açıq araşdırılması hüququna malikdir.

CM m.29: Bilavasitə cinayət törətməyə yönəldilmiş qəsdən edilən əməl şəxsin iradəsindən asılı olmayan səbəblərə görə başa çatdırılmamışdırsa, cinayət etməyə cəhd sayılır.

Torpaq Məcəlləsinin 49.4-cü maddəsi: Xarici hüquqi və fiziki şəxslərə keçən torpaq üzərindəki mülkiyyət hüququ bir il müddətinə qanunvericiliyə uyğun özgəninkiləşdirilir.

CPM m.155.5: Qətimkan tədbirinin seçilməsinə zərurət olmadıqda şəxsdən çağırışa gəlmək və yaşayış yerini dəyişdikdə məlumat vermək barədə yazılı iltizam alınır.

İPHM m.23.1: Xəbərdarlıq, inzibati cərimə, ictimai işlər və ya inzibati həbs yalnız əsas inzibati tənbeh növləri kimi tətbiq edilir.

İPM m.2.2.1: İnzibati aktın mübahisələndirilməsinə (ləğv olunmasına və ya dəyişdirilməsinə) dair iddialar mübahisələndirmə haqqında iddia adlanır.

İPHM m.25.4: Hüquqi şəxsdən alınan inzibati cərimənin məbləği əlli min manatdan artıq ola bilməz.

MM m.1200: Mirasın açıldığı vaxtadək hədiyyənin verilməsindən iki il keçirsə, həmin hədiyyə hesaba alınmır.

MPM m.163.3: Müvəqqəti təminat tədbirinin tətbiqi barədə qərardaddan şikayətin verilməsi həmin qərardadın icrasını dayandırmır.

Konstitusiyanın 147-ci maddəsinin I hissəsi: Azərbaycan Respublikasının Konstitusiyası ən yüksək hüquqi qüvvəyə malikdir.

İPHM m.28.3: İctimai işlər gün ərzində dörd saatdan çox ola bilməz.

CPM m.156.3: Cinayət prosesini həyata keçirən orqan qətimkan tədbirinin seçilməsi barədə qərarı şübhəli şəxsə dərhal elan edir (axtarışdakı şəxs istisna olmaqla).

CM m.83.3.3: Az ağır cinayət törətməyə görə azadlıqdan məhrum edilmiş şəxslər barəsində cəzanı çəkib qurtardıqdan iki il sonra məhkumluq ödənilmiş sayılır.

MM m.25.2: Fiziki şəxsin hüquq qabiliyyəti onun doğulduğu an əmələ gəlir və ölümü ilə xətm edilir.

CM m.25.2: Şəxs öz əməlinin ictimai təhlükəli olduğunu dərk etmiş, nəticələri qabaqcadan görmüş və bunları arzu etmişdirsə, cinayət birbaşa qəsdlə törədilmiş sayılır.

CM m.83.3.5: Xüsusilə ağır cinayət törətdikdən cəzanı çəkib qurtardıqları gündən səkkiz il keçdikdə məhkumluq ödənilmiş hesab olunur.

MPM m.159.1: Müvəqqəti təminat tədbirləri haqqında ərizəyə mübahisəni həll edən hakim tərəfindən daxil olduğu gündən sonrakı iş günündən gec olmayaraq baxılır.

MM m.1193: Məcburi pay qanun üzrə vərəsəlik zamanı çatası payın yarısını təşkil etməlidir.

Torpaq Məcəlləsinin 47.2-ci maddəsi: Bələdiyyə torpaqları ümumi istifadədəki, hüquqi/fiziki şəxslərin istifadəsindəki və ehtiyat fondu torpaqlarına ayrılır.

Konstitusiyanın 63-cü maddəsi: Hər kəsin təqsirsizlik prezumpsiyası hüququ vardır.

MM m.1203.3: Məhrumetmə barədə məhkəmənin qərarı mirasın açıldığı andan qüvvədə olur.

İPHM m.24.2: Xəbərdarlıq o halda tətbiq olunur ki, şəxs ilk dəfə məsuliyyətə cəlb olunur və vurulmuş zərər tam ödənilir.

Vəkillik haqqında Qanunun 13-cü maddəsinin II hissəsi: İxtisas Komissiyası beş vəkil, üç hakim və üç hüquqşünas alimdən, ümumilikdə on bir üzvdən ibarətdir.

İPM m.2.2.6: Normativ xarakterli aktların qanunauyğunluğunun yoxlanılmasına dair iddialar qanunauyğunluq haqqında iddia adlanır.

MM m.30.2: 14-18 yaş arası şəxslər öz qazancı üzərindən sərəncam, müəllif hüquqlarını həyata keçirmək, xırda məişət əqdlərini müstəqil bağlaya bilər.

AİHK m.3: Heç kəs işgəncəyə, qeyri-insani və ya ləyaqəti alçaldan rəftara və ya cəzaya məruz qalmamalıdır.

İPHM m.27.1: Xüsusi hüquq iki aydan iki ilədək müddətə məhdudlaşdırılır.

AİHM qaydaları: Məhkəməyə müraciətdən əvvəl bütün dövlətdaxili hüquq müdafiə vasitələrinin tükənməsi şərtidir.

Əsasnamənin 6-cı bəndi: Əfvetmə şəxsə bəraət qazandıran hal deyil; məhkum olunmuş şəxsə göstərilən humanizmin təzahürüdür.

MM m.28.3: 7 yaşınadək olan yetkinlik yaşına çatmayanların (azyaşlılar) fəaliyyət qabiliyyəti yoxdur.

AİHK 7 saylı Protokol: Məhkəmə səhvinə görə kompensasiya, iki dəfə mühakimə edilməmək, ikinci instansiyaya şikayət, ər-arvad hüquq bərabərliyi.

Konstitusiyanın 130-cu maddəsinin III hissəsinin 5-ci bəndi: Bələdiyyə aktları Konstitusiyaya, qanunlara, Prezident fərmanlarına, Nazirlər Kabinetinin qərarlarına uyğunluğu baxımından yoxlanılır.

Torpaq Məcəlləsinin 49.3-cü maddəsi: Keçmiş torpaq mülkiyyətçilərinin varislərinə restitusiyaya yol verilmir.

MM m.67.2: Törəmə cəmiyyət əsas ortaqlığın və ya cəmiyyətin borcları üçün cavabdeh deyildir.

Konstitusiyanın 148-ci maddəsinin I hissəsi: Konstitusiya → referendum aktları → qanunlar → fərmanlar → NK qərarları → mərkəzi icra aktları.

İPM m.2.2.2: İnzibati orqanın hərəkətsizliyindən müdafiəyə dair iddialar məcburetmə haqqında iddia adlanır.

KMM m.40.1: Konstitusiya Məhkəməsində icraat iki üsulla həyata keçirilir: konstitusiya məhkəmə icraatı və xüsusi konstitusiya icraatı.

MM m.98.5: Səhmdar cəmiyyəti bir şəxs (fiziki və ya hüquqi şəxs) tərəfindən yaradıla bilər.

CM m.26.2-26.3: Özünəgüvənmədə nəticəni görüb qarşısını alacağını güman edir; etinasızlıqda isə görməli olduğu halda görmür.

MM m.99.1: Açıq SC iştirakçıları onlara mənsub səhmləri digər səhmdarların razılığı olmadan özgəninkiləşdirə bilər.

Vəkillik haqqında Qanunun 11-ci maddəsinin III hissəsi: İntizam tənbehi aşkar edildiyi gündən altı ay, törədildiyi gündən isə bir il müddətindən gec olmayaraq tətbiq edilə bilər.

İPHM m.28.3: İctimai işlər altmış saatdan iki yüz qırx saatadək müddətə müəyyən edilir.

Torpaq Məcəlləsinin 5-ci maddəsi: Xüsusi mülkiyyətdə torpaq sahələri üzərində AR vətəndaşları və hüquqi şəxslər mülkiyyətçidir.

Torpaq Məcəlləsinin 46-cı maddəsi: Xəzər dənizinin sahilboyu 20-50 metrlik zolağının altında olan torpaqlar dövlət mülkiyyətindədir.

MM m.86.2: Kommandit ortaqlığı ləğv edildikdə kreditorlar ödənildikdən sonra maya qoyanlar tam ortaqlar qarşısında öz mayalarını almaqda üstünlük hüququna malikdirlər.

CPM m.154.4: Vəzifədən kənarlaşdırma həm əsas qətimkan tədbiri qismində, həm də digər qətimkan tədbirlərindən birinə əlavə kimi seçilə bilər.

MM m.68.3: Asılı cəmiyyətin əsas cəmiyyətin səhmlərini (paylarını) almaq hüququ yoxdur.

Konstitusiyanın 29-cu maddəsinin VI bəndi: Sosial ədalət və torpaqlardan səmərəli istifadə məqsədi ilə torpaq üzərindəki mülkiyyət hüququ qanunla məhdudlaşdırıla bilər.

CPM m.155.3.1: Həbs 2 ildən artıq müddətə azadlıqdan məhrum etmə nəzərdə tutulan cinayətdə tətbiq oluna bilər.